Rieči od peska

LEDVENO DOBA, DOBA SNIEGA

Pokle zajne vužgane rojže, piknje smieha,
pokle lelujanja tanca, armonike, grieha,
začelo se leskavo to doba ledvene tišine,
ledveno doba, doba sniega.

I tak se čini vse vu joblak zavito,
brez falinge, putrasto,
mefko kak diete fmito.
A mi v smešni kaputeki kitajski,
pokorno glavicu prignemo,
naklon kralici velikoga tanca,
kak landerpuhi namignemo.

Naklanjamo se milostiva,
nekaj bi povedali, vse je tak leskavo, bleščeče,
a mi zgubleni.
Na vrtuleku se vetrenom nišemo,
zima je huda, žmefko dišemo.
Naklanjamo se preuzvišena,
mi bokci, nevolni i lačni,
potuleni kak žalobna vrba pretišena.
Nas tiraju volki i pozoji nam riču vu sien,
daleč su od nas ledveni ti festungi vekivečni,
pričini kak duhi rečni.

Posluhnite nas milostiva,
vu tem dobu tak čistem, ledvenem
zaresen, nebremo biti srečni.

__________
Ledeno doba, doba snijega // Poslije zadnje upaljene ruže, mrvice smijeha,/ poslije lelujanja plesa, harmonike, grijeha,/ začelo se ljeskavo to doba ledene tišine, / ledeno doba, doba snijega. / I čini se sve u oblak zavijeno,/ bez mane, putrasto, / mekano kao umiveno dijete./ A mi u smiješnim kineskim kaputićima, / poslušno glavicu sagnemo,/ naklon kraljici velikoga plesa,/ kao skitnice namignemo./ Klanjamo se milostiva,/ nešto bismo rekli, sve je tako ljeskavo, blještavo,/ a mi izgubljeni./ Na vrtuljku se vjetrenom njišemo/ zima je jaka, teško dišemo./ Klanjamo se preuzvišena,/ mi siromasi, nemoćni i gladni,/ ponizni kao sagnuta žalosna vrba./ Nas tjeraju vukovi i zmajevi nam riču u san,/ daleko su od nas te ledene vječne tvrđave,/ prikaze kao duhovi riječni./ Poslušajte nas milostiva, / u tom dobu tako čistom, ledenom/ zaista, ne možemo biti sretni.

I ODJENPOT NUOČ

Ima nuoči črnejših od šmiere, krvi prezrelih kupin,
nuoči brez netopirov, sohi i zavijanja na mesečinu.
Ima nuoči za spanje, dihanje, jokanje,
nuoči stvorenih za samomorilce i angeluse,
hudih nuoči za črne človeke i gade vsake fele
i nuoči v koterima negdo dogo popeva opernu ariju,
a tati odnesu z muzejuma vriednu sliku »Zagrljaj«.
Ovo nie bila takva nuoč…

Na rieči kotere te ne dotikavaju,
na povehlo cvetje, pretekli dien,
na vse kaj je dišalo v kujni, iži, vu mleke,
na plafticu božju vu gartlu, grozdje jorgovana.
Na vse kaj je jokalo, letelo,
plavalo med nami.
Na vse okoli čega sme drobile kru, kuhale čaj.
Na cerkveni turenj, spod brvju čon.
Na vse nedosegjeno, nepovedeno…
nuoči duši nas glas.
I vavek nekotero listje prejde v tanc.
Obrjene z pleči,
nemremo se videti.
V glajže opal je prah.

Ti si črtu z prostu roku povlekla,
z črnu tentu zapackala
vse prste, me srce…
Potuljena, čkomna nuoč
legla je med nas.

__________
I odjednom noć // Ima noći tamnijih od crnila, krvi prezrelih kupina,/ noći bez netopira, sova i zavijanja na mjesečinu./ Ima noći za spavanje, disanje, plakanje,/ noći stvorenih za samoubojice i anđele./ Ljutih noći za crne ljude i lopove / i noći u kojima netko dugo pjeva opernu ariju,/ a netko odnese iz muzeja vrijednu sliku »Zagrljaj«./ Ovo nije bila takva noć.// Na riječi koje te ne dodiruju, / na uvelo cvijeće, prohujali dan, na sve što je mirisalo u kuhinji, kući, u mlijeku,/ na gospin plašt u vrtu, grožđe jorgovana./ Na sve što je plakalo, letjelo,/ teklo među nama,/ na sve oko čega smo mrvile kruh, kuhale čaj./ Na crkveni toranj, ispod mosta splav./ Na sve nedohvatljivo, neizrečeno/ noći guši nas glas./ I uvijek zapleše neko lišće./ Okrenute leđima,/ ne možemo se vidjeti./ Na prozore pao je prah./ Ti si crtu povukla, s crnom tintom zapackala/ svoje prste, moje srce…/ Podmukla, šutljiva noć/ legla je među nas.

ONE DVIE FTICE

Vliečemo z sobom znucanatu plaftu zmiseli,
kak kralevskog pudlina na lanceku zlatnem,
čakanje živlejna, pošlisani soldati paradni,
gingavi cviet brez sonca vu gartlicu blatnem.

Za zlahkotenje zanunati veter,
vdehnuti vuletja zbuđenje.
Al more hlepnja z puščave zazvati
pozablenu pesmu, prhanja luč,
roj zviezdi z gliboke tmice,
znad morja v nebeski glibini
z soncem vu klunu, one dvie ftice.
I znovič stra nas prime.
Kaj ak se ne vrnu,
ak su vse ono kaj mine?

 Popevaj i sejnaj,
zemi z sobom deteče smejajuče lice.
Ne čakaj zbuđenje, zorju i bolšu dob
vezda je čas
za plavet i one dvie ftice.

__________
One dvije ptice // Vučemo sa sobom prorijeđenu plahtu sjećanja,/ kao kraljevskog pudla na lančiću zlatnom, / čekanje života, / postrojeni svečani vojnici,/ kržljavi cvijet bez sunca u vrtu blatnom. / Za spasenje zaljuljati vjetar,/ udahnuti buđenje proljeća./ Može li čežnja iz pustinje prizvati/ davnu pjesmu,/ svjetlost letenja, / roj zvijezda iz duboke tame,/ iznad mora u nebeskoj dubini/ sa suncem u kljunu, one dvije ptice./ I iznova uhvati nas strah./ Što ako se ne vrate, ako su sve ono što je nestalo?/ Pjevaj i sanjaj,/ uzmi sa sobom dječje veselo lice./ Ne čekaj buđenje, zoru i bolje vrijeme/ sada je tren/ za plavetnilo i one dvije ptice.

RIEČI OD PIESKA

Nahitavamo se ž njimi kak deca z paperičeki,
grudvama sniega, komenjem, zlamenjem.
Si ovakva, si onakva, coprnica zalafrana.
Huda kača, grda ftica.
Grizemo se, vliečemo za lasi,
ftapljamo se vu tmeči modrini,
brez svedoki, na fkanjivi mesečini.
Gotimo se do smieha, do zajnega deha,
do solze, do kervi, do smerti…
Pusti onu pucku malu kaj se vu vodi gledela,
gda je vodu teknula, pesma se odmeknula.

Same si zemi te svoje rieči,
nek jih sonce zlati, nek jih zemla blati.
Vrnih jih jognju da ž njimi gori,
nebu jih dej, vuspenku nek jim zbori.
Morju ih dej, nek jih kopičeju vali,
noči nek v njimi spi.
Pavuku za verse sreberne,
jeseni za dneve meglene.
Vetru nek jim liže lice.

Same si zemi te svoje rieči,
za tepla nedra, za lehek sien.
Nek guču golubice,
nek pišu vsi po bielem paperu,
nek stružu po kamenu,
po vodi,
po zorji.
Rieči od pieska ti meni ostavi,
da jih nesem vu puščavu,
puščaniku spod glavu,
vu nočni senek, vu biel denek.
Pusti onu pucku malu kaj se vu vodi gledela,
gda je vodu teknula, pesma se odmeknula.

__________
Riječi od pijeska // Nabacujemo se riječima kao djeca s papirićima/ grudama snijega, kamenjem, znamenjem./ Ti si tko, tko si ti, vještice skrivena,/ ljuta zmijo, crna ptico?/ Grizemo se, vučemo za kosu,/ utapamo u tamnoj modrini/ bez svjedoka, na varljivoj mjesečini./ Davimo se do smijeha, do zadnjega daha,/ do suze, do krvi, do smrti... / Pusti onu malu koja se u vodi gledala,/ kad je vodu takla, pjesma se odmakla./ Uzmi sa sobom te svoje riječi,/ da ih sunce zlati,/ da ih zemlja blati./ Vrati ih vatri da s njima gori,/ nebu ih daj, uspavanku neka im zbori./ Moru ih daj, da ih valjaju vali, / noći da u njima spava./ Pauku za stihove srebrne, / jeseni za dane maglene./ Vjetru da im liže lice. / Samo si uzmi te svoje riječi,/ za topla njedra, za lagan san./ Neka guču golubice,/ neka pišu svi po bijelom papiru,/ neka stružu po kamenu,/ po vodi,/ po zori./ Riječi od pijeska ti meni ostavi/ da ih nosim u pustinju,/ pustinjaku pod glavu,/ za noćni sanak, u bijeli danak. / Pusti onu malu koja se u vodi gledala, kad je vodu takla, pjesma se odmakla.

SEN JE, A PESMA NE

Spravi mi grudu snega spod vajkuš za mrzlu glavu,
kak britvu rieč kristalnu, čistu, brez jafkanja,
zeleni i črni i zvezdani jogenj mi ostavi,
za vrielu stihinu mesto kervi,
vutisek persta na bielem paperu
joblak v jederek mi zastavi.

Gde spiš sfrkana kak mačka,
milostivica prepredena?
Spleti mi zimu v nekaj teplo,
črleni kapuček z cimbuleki mi nastavi.

Pokaži mi lice od zemle, od trave, od golubice,
od nečesera kaj se more pehnuti
v žep deti kre serca.
Zmožno, prehojdi v capama oroslana,
nejžno vu versu kak visibaba.
Sfrkni gniezdo za potepuhe, boge petlare.
Rokice nek stopiju,
a potlam cieli zgoriju.
Prevzemi mi strah moj
i hrepenjenje
i smeh i deh
i nuoč moju.
Zneveri me stokrat,
zataji, zpepeli, pregoči.
Samor reči,
al si to bila ti senoči
il opal je sen na moje joči.

__________
San je, nije pjesma // Ostavi mi grudu snijega ispod jastuka, za hladnu glavu,/ kao britvu riječ kristalnu, čistu, bez jaukanja,/ zeleni i crni i zvjezdani oganj mi ostavi, za vrelu tišinu umjesto krvi,/ trag prsta na bijelom papiru,/ oblak u zjenicama mi zaustavi./ Gdje spavaš savinuta kao mačka/ gospođice prepredena?/ Ispleti mi zimu u nešto toplo,/ crveni kaputić mi ostavi./ Pokaži mi lice od zemlje, od trave, od golubice,/ od nečega što se može dotaknuti/ u džep staviti pored srca./ Snažno prohodaj u šapama lava,/ nježno u stihu kao visibaba./ Sagradi gnijezdo za lutalice i uboge./ Ručice neka ugriju,/ a poslije nek izgore./ Uzmi mi strah moj/ i čežnju/ i smijeh i dah/ i noć moju./ Iznevjeri me sto puta,/ zataji, prešuti./ Samo reci,/ jesi li to bila ti neke noći/ ili pao je san na moje oči.

TIHOTAPEC, ŠČAPEC, LEVIJATANUŠ

Ostajnki zime, posijano pole, splašilo v škrlaku.
Kavrani, vrane, vuletja nie, samor duha, strah vu zraku.
Zaj za pleči mi šetuješ, tihotapiš, bejžiš.
Čutim, roke so ti mrtvečke.
Gdo si zapraf ti?

Al si gledotrovec il velikoga morja neman,
demon črni kaj nas z pota zvrača, hiče v prah?
Il si samor cesar nori, veliki v jočja strah?
Kak zbiraš tere puščaš, tere gotiš, ščapiš?
Gde staneš, shlapiš?

Trieba se prifčiti, povedaju stari,
na kreluti tve, pažlje hoštre, živinski sviet.
Ak si ščapec, jalnuš, levijatanuš skriti,
morje črno, riba-kača kaj vu vodi spi,
kulike zmožni nešči more te vloviti?
Tva je glava ludska, znamo,
povedaju stari, trieba se prifčiti.

__________
Tihotapec, grabežljivac, levijatan // Ostaci zime, posijano polje, strašilo u šeširu./ Gavrani, vrane, proljeća nema, samo miris, strah u zraku./ Iza mene šećeš, šuljaš se, bježiš./ Osjećam, ruke su ti mrtvačke./ Tko si zapravo ti?/ Jesi li zmija otrovnica ili morska neman,/ demon crni koji nas s puta vraća, baca u prah? / Ili si samo vladar ludi, veliki u očima strah?/ Kako izabireš koje puštaš, koje daviš, zarobljavaš?/ Gdje staneš, ishlapiš?/ Priviknuti se treba, govore stari,/ na krila tvoja, kandže oštre, životinjski svijet./ Ako si grabežljivac, zavidnik, levijatan sakriven,/ more crno, riba-zmija koja u vodi spava,/ koliko jak netko može te uloviti?/ Tvoja je glava ljudska, znamo,/ govore stari, treba se priviknuti.

VUMETNIK RIŠE JEZUŠA

Rojen na dien Ivana od Boga, gda se zemla budila,
omujcila vrba, vrnula roda,
zmislil se na materine solze, črne peseke,
mačora kaj se fmival,
nebo zvezdano
i lice Njegvo.

Nuoč se potrla na temnu temninu i mesečinu
gda je risal lice sve,
kak lice Jezušovo,
na Golgoti v pokmičenju,
vu smertnom dehu gda se tielo krči,
to lice v zmučenju.

Risal je oca teri se zatrajal v rudokopu,
brata teri se ne povrnul z harca,
pregnance vsake fele,
fmirajučeg dečaka Jurčeka,
zamržjeni smieh, lepotu ludsku
mertvog metulja, materin krič.
Vsi so vlekli istu tamu ze sebom,
kak nuoč na lanceku,
spodobnu licu Njegvom.

Zrulilo se sonce, na Golgotu pozlačenje,
vavek znovič kotrižil je risar sve živlejne.
Na cajte boge, nore, pesje dneve krute,
na temninu kaj vse zavija.
Pukal si je lasi i klel i kričal i zval,
šeptal je risar.
Kulko ti lica morem dati Gospode,
kulko več lic sem ti dal?

__________
Slikar slika Isusa // Rođen na dan Ivana od Boga,/ kad se zemlja budila/ omacila vrba, vratila roda,/ sjetio se na majčine suze, crne psiće, mačka koji se umivao, nebo zvjezdano i lice Njegovo./ Noć se razbila na crnu tamu i mjesečinu/ kad je slikao lice svoje,/ kao lice Isusovo,/ na Golgoti u sumrak,/ u samrtnom dahu kad se tijelo kruti,/ to lice u muci./ Slikao je oca umrlog u rudniku,/ brata nestalog u ratu,/ prognanike svake vrste,/ umirajućeg dječaka Jurčeka/ zamrznut osmijeh, ljepotu ljudsku/ mrtvog leptira,/ majčin krik./ Svi su vukli istu tamu sa sobom,/ kao noć na lančiću,/ nalik licu Njegovom./ Oljuštilo se sunce,/ na Golgotu pozlata./ Uvijek iznova vidio je slikar svoj život./ Vrijeme ubogo, ludo, pseće dane okrutne, tamu koja sve zavija./ Čupao si je kosu i kleo i zvao,/ šaptao je slikar./ Koliko ti lica mogu dati Gospodine,/ koliko lica sam ti već dao?