KAJ SEM, GDE SE JA?
Kaj sem ja pred tobum
kaj sem ja: vjutro, opoldan, navečer?
Pod ovo zviezdo nebesko kaj peče
gde sem ja?
Teroga je otec na svoju roku stvarjal:
da v životu bode vapnar
i bieloga kruha vrtalec v kamenu
da bode sluga i kojnar
nerodek i kukolj v dobrom semenu.
Kaj si ti nad menu dok si me pretvarjal
z toču tokel v dežđevju vtaplal
da bi svoju moku vu mene sprekaral
i slinil potočno svoju zlatu kapu!!
V semu tomu gde sem samor ja?
Gde sem, kaj sem ja?
Gdo sem ja pred tobum vendar
kad sem i pred sobum — ništar!
(Pha kaj, 1979.)
VUŠTRILI SMU PESA
Vuštrili smu pesa vuštrili vuštrili
drob poscanu hitajoč mu v krampe
smu vuštrili sosedova pesa
ga vlekli i kuštrili
za glaku
z lanci smu ga med noge smu ga vuštrili
v mraku
jesmu nogu mu deli v kolesa
pak smu ga opet
da je zavijal da je skičal
da je cmugal na one tri zopet
pak smu ga opet
z nogu v gobec v zazobec
pak smu ga opet po krampe
pak smu mu žilu sekli
pak smu ju cvrli zacvirali
krvavo seme odpirali
pak smu ga opet
pak smu ga opet
dok nije ves na oči spozel
pak smu napravili vozel
z onoga mesa
i bilo nam je žal bilo nam je žal
pak smu počeli trgati kolesa
i vsi smu najempot geznoli v krampe
i bilo nam je žal bilo nam je grdo žal
v lampe naše dok je curel
jal.
(Pha kaj, 1979.)
TEŠTAMENTOM
Mi jesmo vrinjeni v črnu kmicu,
i niesmu kaj smu bili.
Nas so goslali pod rep z mrtvu lisicu,
da bi znali kaj je pravde lodec,
a kaj je jarem,
da bi znali kaj je v jarmu prazen želudec.
(A sloboda se flundra kak pes za živicu!)
Ali bodo došli žoti dani,
z štubli kameniti, z črlenimi kojnmi,
trejte vure časi srditi,
z tuđemi ludmi med nami:
mi dosta smu kriedani!
I bode nam iti,
za sramockem mesom svojem,
v druge zorje dan, gde bodemo sami.
(Pha kaj, 1979.)
MAČUREK
Gda bom rekel, vi se bote smejali:
Da bo dobre. V smiehu još se bote nadejali
bolšemu.
A liepo velim da je bil najlepši micek
muoj mačurek čogani,
makar mu je falele oko,
komad repa,
med mački je bil kak med jastrebi picek.
Je štel naviek biti najveseliejši, je gledel gliboko
na one jene.
A bile je kmene. Da ti nemrem reči kak je bile kmene!
On samo se je igral, se je ves zaigral,
on mali repek je feglal, miglal, miglal,
i nie znal da negde velikom nebu čakec čaka.
V nedielni dan gda je sviet v cierkve bil, i kašlal,
i đambor je išel čez dupla
van.
V dan, biel belčasti dan, a bile je kmene
tam gore gde je čakec čakal.
On se je igral i dale, naopok napraf skakal.
Sem štel kričati, al je v tie van i bez drugoga ostal,
muoj micič šari, bo se vu sebe plakati
i mene
teri takaj vidim samor tambu v ovom svietu.
Sejene.
A veliju da avijoni pršeju več i da su tiči počeli kukurikati.
Sejene. Baš mi je sejene. Na ovom svietu.
Bo čakec došel i po me. Čez sonce v snietu.
(Pha kaj, 1979.)
JELEN, JELEN, JELEN!!
Jelen čez šumu beži v gliblinu
šumske međe, v grabrovu tišinu
prek grombokovja
več vlazuje trganje rogovja, srce klači zajni žmulek krvi
v lievu kliet, na desnu stran vsa težina
prehitava se, od prve na zajnu nogu
jakost uz kost rasporedi se,
i opet nagle nestaje kupin, grmovja, put naopok leži,
jelen zamečuje da lieva hrbet vtrnjava, čez potok
napela bieg v najglibši snieg
teri s priviđenja đasnol je i spekel
v glave možđenjski brieg, al dale, dale, dale v pekel
jelen v rit strelen beži
na pleča svoju težinu
i zajnu jakostju odrine se od smrti vu višinu.
Al pena krvava na gobcu vrne na zemlju:
priviđenja tu su več i jelena jemlju
košote hrđave, plave, žote v ropcu,
i prek mehna i šumske gobe
bez zdehna vruši se.
A one okrugle od kugle zrine se van na zobe.
Gotovo je.
Gotovo je.
Gotovo je.
(Pha kaj, 1979.)
Z VIŠINE, Z GLIBLINE
Ne znajoč pone z višine, ni z glibline,
jer je i v kalu iste
zgora i zdola kalec.
I tam je gdagda
trn trnu žalec.
Drievu sličen, samotnaku v puščine,
samec samienec
čez život si samor preletel.
Kak i v kamenu leti drugi kamenec
ne znajoč za nebo gde krvari detel.
(Pha kaj, 1979.)
SREČA
Pehnula me sreča — kak rabarbaru koren
Pak me živi fletno hudo s trefom asom noro
Spačka je vu zercalu, ti pesa za ritesa!
To itak nesem ja, strah je — od ničesa
Na prsti su žulji, pri vrhu se muka navek koti bolje
Trublja zlehkotenja — človečki nadolje
Pehnula me sreča, lavorike venec
Smešno se zadela v gerlu kost od sreče zdenec
Pak me ziblje, pak me stvarja, pak drobi, razgarja
I kak draga vabi — micek, jurek, figa
Puklju skoznujuči, leta vkanjujuči
Smert je gibanica, mleko i mamica
Cecka sesnut, v zercalu je bela tenja
Strah je od ničesa — jer je život senja
Pehnula me sreča — kak rabarbaru koren
Pak me živi fletno hudo s trefom asom noro.
(Valctakt i lajno, 1984.)
OBLOK
Študera obloka svet, sveti oblak blati ga
Smeta mu stekla meta — vu nji je ništ vse
Planete štivo z pekla i svetla živa tla
Da je obloku barem, da mu je barem v jarem
Volek da mu je biti kaj perdi na gmajni polek
Da mu je stekla oko skriti vrit gliboko
Nutri je topla kmica, nutri se narava švica
Nutri se dežja želi, a ne da se dežjec sam veli
Zatemni oblok svetlinu, štel bi si dušu sleči
Zvunešnjega sveta žilu poterti i vu se leči
Boli ga kaj je meta vu steklu ništ i vse
On žive kak Poeta, drugi ga jar žge.
(Valctakt i lajno, 1984.)
UVOJCI NA IKONAMA...
Ne znam zašto suosjećam s onim
kojem se hoću povjeriti. Ne znam zašto
osjećam bol u smijehu njegovu
koji nikako da prestane. Stojeći kraj kreveta
opet se osjećam ludo mlad, pun grešaka, ispitivanja, hapsane.
Kao onda kad sam odlučio: bolje bi bilo otići u kakav
samostan. Tamo su stegovni lanci svetosti
sjajna prilika da i besprizorna budala bude idol
u nekom polutajnom lakrdijanju
ispod niše. »Budi onakav kakav jesi« –
ponavlja fra Bonzo, svjestan praznine riječi.
Na kotačićima, s toaletnim sapunom u ustima
čudan neki epikurejac
viri mu iz knjige. (Knjiga nema bordure.)
S tužnim smiješkom promatram
uvojke na ikonama: svoj bivši život.
Ne znam zašto suosjećam s onim
kojem se hoću povjeriti. Ne znam zašto
osjećam bol u smijehu njegovu
koji nikako da prestane. Nikako
da razumijem to koščato lice pred sobom,
nikako da razumijem to koščato svoje lice.
(Kristalni aed, 2005.)
CICIRICI... SKRITA KAČA VU TRAVI...
Zadihana. Stara sejna, sprehaja... Nigde jablanof, nigde tratinčic, plavo nebo vu mišaru škajncu. Mrtvo nebo. Mrtef škajnec. O grozdju, o moštu, o vinu, sejna. Kletva. Beton. Prašina.
Niš. Niš. Niš. Povsud novi ljudi za novi sviet, povsud nove žlice za jelo z druge latrine.
Trijeb je svezati gubec, znati ne spomenuti nijednu rieč, znati ne poluknuti čez obločec. Znati zgubiti vid, posel, meso, kosti i lasi, zgubiti tielo, zgubiti sebe.
Po starom polju hoditi sliep i liep vu slepoti. Biti senca, biti prašina spod nog, biti niš. I niš. Nište i niš. Ni raspelce, ni križ – krucifiks, ni mandatar nove mane z neba, ni novi oniks.
Nemati niš ne poželuvati niš.
Biti cicirici na odhičeni pizzi, cicirici peteh, kokotiček, petelinček; skrita kača vu travi: Latet anguis in herba.
(Cicirici & senjali, 2007.)
COMPUTUS URBARIALIS...
Ni za živu glavu tam, rekel je Laszowski. Naše pravo na sejnef neje vu kaštelu, on zdavna je razoren. Privilegij morti čubi v one kule, al ni kule niema več, starinski urbar se ftrnul, orel z kule takaj. Denes, falcifikati carujeju, gespen su zdavna Computus urbarialis zagubili. Niemaš prava biti tu, niemaš prava dojti na vrata, vrata su zaprta, slobodnak jeden, bedasti! Neje istina da je igdar bilo tu ikakšno trgovišče, da je igdar igde bilo nekakšno horvacko selo, kamol kaštel! Sejem je, Velepoštuvani, sejem je takaj odišel na bubejn, denes trombete, fagoti in rogi piščiju druge fragmete.
Ni za živu glavu tam, buju te orgulaši zatukli vu Volavju. Ščeram se, veliju, Loparič od veselja obesil v klieti, rajši to neg da prejde domom, rekel je.
A doma – nigde...
Blašče, od jada, prešlo v pilnicu, niema više tejne spod ore-
ha.
Ježuš se počel kopicati z decom po travi, vu Betlehemu se tučeju, piše vu cajtungima.
Sred leta vu obleki i kožuhu idem spat, zima mi je, strah me je...
(Cicirici & senjali, 2007.)
MOJI...
Visoko gore ono drugo more
svi moji u njem uspravni u sedlu
puni žilja i ožiljaka
jedan za drugim pogibaju
za samo njima znane ideale.
Tu i tamo još da poravnaju kalpak
tu i tamo još da pomjerkaju kroz vizir
a ono dolina ljeska se, gori.
Teška topuzina odvojila im se od ruke.
Visoko gore groblje mojih predaka
puno nebo dragih dekadenata
i kojekakve nesreće.
Čame u osami dubine neba
posramljeni i poniženi
napušteni i zaboravljeni
osluškujući muklinu
posljednje bitke.
A neprijatelja nigdje...
(Lollo, 2008.)
VJETAR...
U malenu caffe baru
na terasi obasjanoj glazurom ljeta
sjedi čovjek savršeno spokojan i opušten.
Mala brazgotina pri kraju usana
nikako da mu zataji smiješak.
I, taman da srkne kavu
i zagrizne kroasan
– kad obruši se prastara platana
tik do prekriženih mu nogu.
Čovjek, mrtav hladan, ispije ostatak kave,
poravna slamnati šešir
(rumeni kroasan ostao na tanjuriću!)
nezainteresirano se pridigne
i ode.
Cijeli idući dan
prijatelji ga nazivali telefonom
puni nevjerice da je uopće živ.
Neki ga i posjetili
čudeći se kako poslije svega hladnokrvno sjedi u naslonjaču
kao da mu je svejedno što se uistinu dogodilo.
On šuti, smješka se, kadikad pućne dim iz lule
tu i tamo pucne prstom,
savršeno miran.
Osluškuje...
Osluškuje vjetar koji se iznenada porađa
duboko, duboko iz dubine srca.
Osluškuje isti onaj vjetar
koji bjesomučno huči,
amico mio,
koji od šale obara platane.
(Nemir podvornika Szerbe, 2009.)
HU HU POTREBNO JE RAZUMIJEVANJE...
Hu hu potrebno je razumijevanje
hu hu potrebno je
od vrhunca do tla do čiste vode izvorske
desno lijevo sakramenti
litanije svezane u dijelove
sinovi i cehmeštri također
cikorija u mošnjama također
hu hu također
oholost vaša više vas ne ljubi
čak ni one fotografije tužna lica.
Napuščeno je
naše staro zestajališče
vojzimo se ali kam ali kam
denes neprežalno je lovec biti
mamek moja
posudili smo a nemremo vrnuti.
Onu ljubav
onu staru mudrost
one aforizme.
Postojanje dijeli propast
hu hu
ugovorne strane suglasne su
da je metoda raspadanja u punom
zamahu ojađena srca
hu hu.
U mrklini noći sova će doći
rekao je Cioran.
(Četverolisni četveropreg, 2010.)
BRZEL FTIČEK MRZEL...
Brzel ftiček mrzel
prše
leti
preletava
i mi bi ž njim šteli
ak bi se ikak dale
ne bu teško ni lefko
ne bu nadugo ni žmefko.
Nu nu još same male
tam gore raste nebo
na nebu zrasla trava
detelica četveroperka
osjak
volofsko oko
i stareh pismeneh slovo
teško kak olovo
četverolisni četveropreg.
Z brega na breg
lovec nas prati
životek krati
on niti ne zna
da ga neje.
Dagda gdagda pukne
črez luknju puškenu nalukne
zvuzlale mu se oči
nikak da pogodi.
Brzel ftiček mrzel
na to se grohotom nasmeje
odprše k novomu bregu
novi ga breg zgreje
još jeden vu četveropregu.
(Četverolisni četveropreg, 2010.)
BUDI NOVA FREKVENCIJA...
Budi kritičan
budi nova frekvencija
doživi Duchampa kako spada
oslonjen na njegvu zahodsku školjku
onako kako je on doživljavao umjetnost
poigravajući se životom.
Budi sam
sam sa sobom
kušaj shvatiti zašto magla kloakama kulja
strasnije nego po livadama
kušaj shvatiti zašto Michel Simon
bjesomučno ždere kobasicu
i baš ga briga za gurmansku beznadnost.
Gutaj kamenje kad si gladan
nemoj protestirati
to je zabranjeno
čuvaj energiju za crne dane
koji će nadoći kad-tad
koji će nadoći kao obredna maska.
Budi sam
budi život sam
budi vlastita mapa
budi majčino mlijeko
jer jedino tako
jer jedino tako
jednog dana lakše će te prokazati i izdati.
(Četverolisni četveropreg, 2010.)
3-4, 2012.
Klikni za povratak